Informazzjoni medika, Ilmenti dwar il-prodotti u Sikurezza tal-Mediċini
Dan l-Avviż ta’ Privatezza japplika għal Data Personali li inti tagħżel b’mod volontarju li tipprovdi lir-rappreżentanti tagħna tal-Informazzjoni Medika, tal-Ilmenti dwar il-Prodotti, jew tas-Sikurezza tal-Mediċini fiż-ŻEE u meta tikkuntattjana fiż-ŻEE bit-telefon, bil-posta elettronika, bil-fax, bil-posta, bil-webforms, jew b’livechat biex tistaqsi dwar informazzjoni medika, tqajjem ilmenti jew tirrapporta avvenimenti avversi rigward il-prodotti tagħna. Id-Data Personali hija informazzjoni li tidentifikak bħala individwu jew hija relatata ma’ individwu identifikabbli b’mod dirett jew indirett.
Meta tikkuntattjana bit-telefon, b’webform jew b’livechat, aħna se nitolbu d-Data Personali waqt l-interazzjoni tiegħek kif deskritt hawn taħt.
Jekk int professjonist tal-kura tas-saħħa:
- Isem u informazzjoni ta’ kuntatt (eż. indirizz postali, numri tat-telefon, indirizz tal-posta elettronika)
- Informazzjoni relatata mal-ispeċjalitajiet u l-professjoni tiegħek
- Informazzjoni relatata mal-użu tiegħek tal-prodotti tagħna
Jekk m’intix professjonist tal-kura tas-saħħa:
- Isem u informazzjoni ta’ kuntatt (eż. indirizz postali, numri tat-telefon, indirizz tal-posta elettronika)
- Informazzjoni relatata mal-użu tiegħek tal-prodotti tagħna
- Jekk qed tirrapporta avveniment avvers, nistgħu wkoll nitolbu l-ġeneru u d-data tat-twelid tiegħek.
Jekk jogħġbok tipprovdilniex informazzjoni relatata ma’ persuna identifikabbli oħra (eż., il-pazjent tiegħek jew qarib). Pereżempju, jekk tirrapporta avveniment avvers għall-pazjent tiegħek jew qarib, tipprovdilniex l-isem jew l-indirizz tal-pazjent jew tal-qarib. Jekk tipprovdi kwalunkwe informazzjoni relatata ma’ persuna identifikabbli oħra, inti qed tinfurmana li għandek l-awtorità li taqsam dik l-informazzjoni u li tippermettilna nużaw l-informazzjoni kif deskritt f’dan l-Avviż ta’ Privatezza.
KIF NUŻAW ID-DATA PERSONALI
Aħna nużaw id-Data Personali biex
- Nikkonformaw mal-obbligi legali u regolatorji tagħna dwar ir-rapportar tal-effetti sekondarji, l-ilmenti dwar il-prodotti u s-sikurezza tal-pazjenti assoċjati mal-prodotti tagħna. Bħala parti minn dan, nistgħu nikkuntattjawk jekk inkunu neħtieġu aktar informazzjoni dwar l-avveniment avvers jew l-ilment li tkun irrappurtajt.
- Inwieġbu l-mistoqsijiet tiegħek u nipprovdulek servizz għall-klijenti, inkluż it-traċċar u r-risposti għat-tħassib, u għal skopijiet ta’ assigurazzjoni tal-kwalità; tali użi huma skont l-interess leġittimu tagħna li nipprovdu jew niffaċilitaw informazzjoni preċiża u f’waqtha dwar il-prodotti tagħna jew bil-kunsens tiegħek.
- Inkella biex noperaw in-negozju tagħna biex jikkonforma mal-obbligi legali tagħna, għal għanijiet statistiċi jew biex jissodisfa l-interessi leġittimi tagħna fiż-żamma tan-negozju tagħna. L-operat tan-negozju tagħna jinkludi:
- Il-verifika tal-eliġibbiltà tiegħek biex taċċessa ċerti prodotti, servizzi u data li jistgħu jiġu pprovduti biss lil professjonisti tal-kura tas-saħħa liċenzjati.
- L-analiżi jew it-tbassir tal-preferenzi tal-professjonist tal-kura tas-saħħa sabiex jiġu identifikati tendenzi aggregati għall-iżvilupp, it-titjib jew il-modifika tal-prodotti, is-servizzi u l-attivitajiet kummerċjali tagħna.
- Il-protezzjoni tad-drittijiet, il-privatezza, is-sikurezza jew il-proprjetà tagħna, u/jew dik tal-affiljati tagħna, tiegħek jew ta’ oħrajn.
Pfizer se tuża d-Data Personali tiegħek relatata mas-saħħa jew dik sensittiva oħra dwarek li inti tagħżel b’mod volontarju li tipprovdi fuq il-bażi tal-kunsens tiegħek, ħlief fejn aħna meħtieġa nużaw dik id-Data Personali biex nikkonformaw ma’ obbligu legali jew regolatorju, bħal meta tirrapporta avveniment avvers. Jekk nużaw Data Personali bbażata fuq il-kunsens tiegħek, inti tista’ tirtira l-kunsens tiegħek f’kull waqt.
KIF NIŻVELAW ID-DATA PERSONALI
Aħna niżvelaw id-Data Personali lil kumpaniji ta’ Pfizer oħrajn għall-finijiet deskritti f’dan l-Avviż ta’ Privatezza, u lill-fornituri tas-servizzi ta’ partijiet terzi tagħna biex jipprovdu servizzi, bħat-teknoloġija tal-informazzjoni u l-provvista ta’ infrastruttura relatata, is-servizz għall-klijenti, it-twassil tal-posta elettronika, l-awditjar, u servizzi oħra.
Nistgħu niżvelaw ukoll id-Data Personali tiegħek kif nemmnu li jkun meħtieġ jew xieraq biex nikkonformaw mal-liġi applikabbli u mal-obbligi ta’ monitoraġġ u ta’ rapportar regolatorji tagħna (li jistgħu jinkludu liġijiet barra mill-pajjiż ta’ residenza tiegħek), biex inwieġbu għat-talbiet mill-awtoritajiet pubbliċi u tal-gvern (li jistgħu jinkludu awtoritajiet barra mill-pajjiż ta’ residenza tiegħek), biex nikkooperaw mal-infurzar tal-liġi, jew għal raġunijiet legali oħra.
Barra minn hekk, nistgħu nużaw, niżvelaw, jew nittrasferixxu Data Personali lil parti terza fil-każ ta’ kwalunkwe riorganizzazzjoni, fużjoni, bejgħ, impriża konġunta, ċessjoni, trasferiment jew dispożizzjoni oħra tan-negozju, l-assi jew l-istokk tagħna kollu jew parti minnu (inkluż b’rabta ma’ kwalunkwe proċediment ta’ falliment jew proċedimenti simili) jew biex nipproteġu d-drittijiet, il-privatezza, is-sikurezza jew il-proprjetà tagħna, u/jew dik tal-affiljati tagħna, tiegħek, jew ta’ oħrajn.
Aħna nistgħu niġbru flimkien l-informazzjoni li tipprovdi inti u individwi oħra. Jekk nagħmlu dan, nistgħu nużaw u niżvelaw tali informazzjoni aggregata għal kwalunkwe skop. L-informazzjoni aggregata ma tidentifikax lilek jew lil xi individwu ieħor b’mod dirett jew indirett.
ID-DRITTIJIET INDIVIDWALI
Jekk tixtieq titlob li tirrevedi, tikkoreġi, tillimita, tħassar, jew toġġezzjona għall-ipproċessar tad-Data Personali li tkun ipprovdejtilna, jew jekk tixtieq titlob li tirċievi kopja elettronika ta’ tali Data Personali għall-finijiet li tibgħatha lil kumpanija oħra, tista’ tikkuntattjana kif indikat fit-taqsima Ikkuntattjana. Aħna se nwieġbu għat-talba tiegħek b’mod konsistenti mal-liġi applikabbli.
Fit-talba tiegħek, jekk jogħġbok għidilna x’Data Personali tixtieq li titbiddel, jekk tixtieqx li din titneħħa mill-bażi tad-data tagħna, jew inkella għarrafna bil-limitazzjonijiet li tixtieq tagħmel dwar kif nużawha. Għall-protezzjoni tiegħek, jista’ jkun hemm bżonn li nivverifikaw l-identità tiegħek qabel ma nimplimentaw it-talba tiegħek. Jekk jogħġbok innota li l-kapaċità tagħna li nissodisfaw it-talba tiegħek se tkun limitata jekk ma tippermettilniex milli nikkonformaw mad-dmirijiet legali jew regolatorji tagħna. Aħna se nippruvaw nikkonformaw mat-talba tiegħek malli jkun raġonevolment prattikabbli.
IS-SIGURTÀ TAD-DATA
Aħna nfittxu li nużaw miżuri organizzattivi, tekniċi u amministrattivi raġonevoli biex nipproteġu d-Data Personali tiegħek. Sfortunatament, ma nistgħux niggarantixxu li d-Data Personali tkun sigura 100 %.
IL-PERIJODU TA’ ŻAMMA
Se nżommu d-Data Personali tiegħek sakemm ikun meħtieġ jew permess fid-dawl tal-għan(ijiet) li għalih(om) tkun inkisbet u kif deskritt f’dan l-Avviż ta’ Privatezza. Il-kriterji użati biex jiġu ddeterminati l-perjodi ta’ żamma tagħna jinkludu: (i) it-tul ta’ żmien tar-relazzjoni kontinwa li għandna miegħek; (ii) jekk hemmx obbligu legali li aħna soġġetti għalih; jew (iii) jekk iż-żamma hijiex irrakkomandata fid-dawl tal-pożizzjoni legali tagħna (bħal fir-rigward ta’ kwalunkwe terminu jew ftehim applikabbli, statuti applikabbli ta’ limitazzjonijiet, litigazzjoni jew investigazzjonijiet regolatorji).
IT-TRASFERIMENT TRANSFRUNTIER
Id-data li niġbru tista’ tinħażen u tiġi pproċessata fi kwalunkwe pajjiż fejn għandna l-faċilitajiet jew fejn ninvolvu fornituri tas-servizzi, inkluż fl-Istati Uniti u fejn joperaw l-affiljati tagħna.
Xi pajjiżi mhux fiż-ŻEE huma rikonoxxuti mill-Kummissjoni Ewropea bħala li jipprovdu livell adegwat ta’ protezzjoni tad-data skont l-istandards taż-ŻEE (il-lista sħiħa ta’ dawn il-pajjiżi hija disponibbli hawn. Għal trasferimenti miż-ŻEE lejn pajjiżi li mhumiex meqjusa adegwati mill-Kummissjoni Ewropea, aħna stabbilejna miżuri adegwati, bħal billi niżguraw li r-riċevitur ikun marbut bil-Klawżoli Kuntrattwali Standard tal-UE, sabiex nipproteġu d-Data Personali tiegħek. Tista’ tikseb kopja ta’ dawn il-miżuri billi tikkuntattjana kif indikat fit-taqsima Ikkuntattjana.
L-UŻU MILL-MINORENNI
Aħna ma niġbrux informazzjoni b’konsapevolezza mingħand it-tfal ħlief kif permess mil-liġi applikabbli.
AĠĠORNAMENTI
Minn żmien għal żmien, se naġġornaw dan l-Avviż ta’ Privatezza. Kwalunkwe bidla se ssir effettiva meta nibagħtu l-Avviż ta’ Privatezza rivedut. Dan l-Avviż ta’ Privatezza ġie aġġornat l-aħħar fid-data “Aġġornat L-aħħar” li tidher hawn fuq.
IKKUNTATTJANA
Il-kumpanija responsabbli għall-ġbir, l-użu u l-iżvelar tad-data personali tiegħek skont dan l-Avviż ta’ Privatezza fil-pajjiż jew fir-reġjun tiegħek hija disponibbli hawn.
Jekk għandek mistoqsijiet dwar dan l-Avviż ta’ Privatezza, jew jekk tixtieq titlob li teżerċita kwalunkwe dritt individwali, jekk jogħġbok ikkuntattja lill-entità ta’ Pfizer responsabbli fil-pajjiż jew fir-reġjun tiegħek kif indikat hawn.
Tista’ wkoll tikkuntattja lill-uffiċjal tagħna tal-protezzjoni tad-data responsabbli għall-pajjiż jew għar-reġjun tiegħek, jekk applikabbli. Biex issib l-informazzjoni ta’ kuntatt tagħhom, żur DPO.Pfizer.com.
IL-PREŻENTAZZJONI TA’ LMENT MA’ REGOLATUR
Għandek id-dritt li tippreżenta lment ma’ awtorità għall-protezzjoni tad-data kompetenti għar-residenza abitwali tiegħek, il-post tax-xogħol jew il-post tal-allegat każ ta’ ksur. Jekk jogħġbok ikklikkja hawn għall-informazzjoni ta’ kuntatt għat-tali awtoritajiet.